Weil´s so is!

Iatz hab i mi grad sauber g´schreckt,
weil i im Spiag´l hob entdeckt,
abghaut is de Top-Figur,
von straffer Haut gibt´s a koa Spur,
de Haar san ohne Glanz und matt,
und der Popo, der war mal glatt.
I denk a Weile drüber nach,
was mit dem verhauten G´stell  i mach,
spontan fallt mir da Botox  ei,
Silikon und New-Age- Brei,
Zahnbleaching und falsche Wimpern,
mit dene kann ich dann schee klimpern,
Sport extrem und Rückenschaden
Hauptsach i hob stramme Waden.
Attraktiv und schee muaßt sei,
denn sonst bist a altes Wei,
Aber is des wirklich wichtig?
Ja bin i denn im Kopf no richtig?
I bin I und mia geht´s guad,
und wem des ned pass´n duad,
der braucht mei G`stell ja ned betrachten,
der soll weiter oberflächlich schmachten.